Messi ‘theu’ protokollin e FIFA-s në Kupën e Botës për Klube pas fitores ndaj Portos, i shpëtoi mrekullisht ndëshkimit

Lionel Messi theu protokollin e rreptë të FIFA-s gjatë Kupës së Botës për Klube, gjë që asnjë lojtar tjetër nuk e ka bërë deri më tani.

Të enjten në mbrëmje, legjenda e futbollit Messi udhëhoqi Inter Miamin drejt një fitoreje vendimtare 2-1 ndaj Portos në ndeshjen e tyre të dytë të Kupës së Botës për Klube.

Pasi pësoi nga një penallti në fillim të pjesës së parë, skuadra e argjentinasit doli me shumë vrull në pjesën e dytë, duke shënuar dy gola brenda nëntë minutave të para të fillimit të ndeshjes.

Mesfushori Telasco Segovia shënoi golin e barazimit 1-1 për skuadrën e MLS, përpara se Messi të shënonte një gol spektakolar nga goditja e dënimit për të fituar ndeshjen dhe për të rritur ndjeshëm shanset e Inter Miamit për të kaluar në fazën e 1/8-tës.

A stunning free-kick.

Congrats to Lionel Messi on his first #SuperiorPlayerofTheMatch of the #FIFACWC pic.twitter.com/w8Vp5qfnPe

— FIFA Club World Cup (@FIFACWC) June 19, 2025

Megjithatë, menjëherë pas ndeshjes, një gazetar që ndiqte ndeshjen e Inter Miamit vuri re se legjenda e Barcelonës kishte thyer një protokoll të rreptë që të gjithë lojtarët e kanë ndjekur gjatë garës.

Performanca mbresëlënëse e Messit gjatë ndeshjes bëri që ai të shpallej ‘Lojtari më i Mirë i Ndeshjes’, raporton Telegrafi, transmeton Periskopi.

There was hope here inside of Mercedes-Benz Stadium that we’d hear from Leo Messi given that every official Man of the Match has held a postgame press conference.

Messi — as is customary — opted to let his feet do the talking.

No presser.#InterMiamiCF #Messi𓃵 #ClubWorldCup

— Franco Panizo (@FrancoPanizo) June 19, 2025

Deri më tani, gjatë gjithë turneut, lojtari që mori çmimin mbajti një konferencë për shtyp pas ndeshjes, por, pavarësisht shpresave brenda stadiumit Mercedes-Benz, gazetari Franco Panizo konfirmoi se Messi vendosi të mos e bënte këtë gjë të enjten mbrëma.

Messi foli në një intervistë për Flash Zone me DAZN, por vendosi të mos e zhvillonte konferencën zyrtare për shtyp të ‘Lojtarit më të Mirë të Ndeshjes’ nga FIFA./Periskopi/