Nedim Bajrami në radar të Sevillas dhe Udineses

Reprezentuesi i Shqipërisë, Nedim Bajrami, po kërkohet nga skuadrat e Sevillas dhe Udineses, pas disa zhvillimeve të fundit te Rangersi.

Bajrami nuk është ftuar nga Rangersi në dy ndeshjet e fundit, gjë që rrit mundësinë e largimit të tij nga gjiganti skocez, raporton “Transferfeed” të hënën.

Mësohet se Rangersi po kërkon tri deri në katër milionë euro për ta liruar Bajramin, i cili është 26 vjeç.

26-vjeçari u transferua te Rangersi verën e kaluar nga Sassuolo dhe shënoi një adaptim të mirë në skuadrën skoceze, por situata aktuale mund ta çojë drejt një aventure të re në Spanjë ose Itali./Periskopi/