Sulmoi një punëtor që po punonte në rrugë në Ferizaj – policia identifikon të dyshuarin

Një rast i sulmit ka ndodhur ditën e sotme në Ferizaj. Siç njofton policia, një punëtor i një kompanie të autorizuar për punime në rrugë, është sulmuar nga një person tjetër.

Zëdhënësi i policisë për rajonin e Ferizajt, Kanun Veseli ka bërë të ditur se i dyshuari është identifikuar dhe është kontaktuar për intervistim.

‘’Më 07.03.2026, rreth orës 15:30, në rrugën “12 Qershori” është raportuar një rast sulmi.

Sipas raportimit, punëtori i një kompanie të autorizuar për punime në rrugë, është sulmuar nga një person i dyshuar.

Në vendngjarje ka reaguar patrulla e policisë. Viktima është intervistuar, ndërsa në rast janë angazhuar njësitë hetimore të stacionit policor.

Në konsultim me prokurorin e shtetit rasti është iniciuar si vepër penale “Sulmi”.

Është identifikuar i dyshuari i ketij rasti dhe është kontaktuar për intervistim.

Për detaje tjera do te njoftoheni me raport vijues’’, ka njoftuar Policia.

E tmerrshme: Shoferi kosovar sulmon një punëtor në Ferizaj, vetëm se nuk e linte të kalonte në një rrugë të mbyllur