Naomi Campbell nxit thashethemet se është ribashkuar me të dashurin e saj pasi morën pjesë në një event së bashku

Naomi Campbell mori pjesë në një ‘soire’ të klasit të lartë në Londër javën e kaluar, së bashku me të dashurin e saj gjerman, DJ Rampa, duke ngjallur zërat se ata janë ribashkuar.

Çifti u shfaq në festimin e 150-vjetorit të markës së orëve “Audemars Piguet”, i cili u zhvillua në vendin ekskluziv “180 The Strand”, pjesë e grupit Soho House.

Një burim nga eventi i Audemars Piguet i tha MailOnline se supermodelja dhe DJ gjerman shkuan së bashku në event.

“Naomi dhe Rampa hynë në event dorë për dore dhe kaluan natën duke biseduar dhe duke qëndruar pranë njëri-tjetrit, me siguri duken si çift”, tha burimi.

“Ata dukeshin të qetë dhe të kënaqur në shoqërinë e njëri-tjetrit”.

Arritja e tyre madhështore, e shoqëruar me blice nga kamerat, u kap në video dhe më pas u postua në TikTok, si një tjetër provë e forcimit të lidhjes së tyre.

Naomi, e veshur me një fustan krem, ishte një nga mysafiret e nderit në këtë event, ku performoi fituesja e Brit Award, Raya, dhe të ftuarit shijuan ushqime të përgatitura nga kuzhinierë me yje Michelin.

Në fakt, prezenca e saj me DJ-në, emri i vërtetë i të cilit është Gregor Sutterlin, 42 vjeç, ngjalli kureshtje, pasi më parë ishte raportuar gjerësisht se ata ishin ndarë pas një romancë intensive në fund të vitit 2024.