Bebe Rexha shkëlqen në festën e Cara Delevingne në Los Angeles

Një nga netët më të përfolura të verës u zhvillua në Chateau Marmont të Los Angeles-it, ku supermodelja dhe aktorja Cara Delevingne organizoi një festë madhështore me yje të shumtë të Hollywood-it.

Ndër të ftuarat më të komentuara ishte këngëtarja shqiptare me famë botërore, Bebe Rexha, e cila spikati me një paraqitje të guximshme dhe plot stil. E veshur me një xhaketë të zezë me perla, top me dekolte dhe pantallona të ngushta, ajo tërhoqi vëmendjen me elegancë dhe vetëbesim.

Në mesin e yjeve si Selena Gomez, Paris Hilton dhe Margot Robbie, Bebe Rexha u shqua si një ikonë stili në një natë të mbushur me muzikë dhe atmosferë glamuroze./Periskopi/