Peshkatari në Republikën Çeke kap një peshk-mustak 2.68 metra të gjatë

Një peshk-mustak gjigant me gjatësi 2.68 metra u nxor nga uji në Republikën Çeke nga peshkatari Jakub Wagner, duke vendosur një rekord të ri kombëtar.

Kapja e peshkut gjigant nga 43-vjeçari Wagner u bë në jug të Pragës në digën Varnov.

Wagner pa peshkun që shkëlqente në dritën e mëngjesit, nxori shkopin e tij të projektuar posaçërisht për të peshkuar dhe priti.

“Kaluan 10 minuta dhe asgjë nuk ndodhi derisa papritmas pashë peshkun të shkonte drejt e te grepi im”, përshkroi peshkatari 43-vjeçar.

“Ajo që pasoi ishte ‘lufta më e vështirë që kam pasur ndonjëherë me një peshk-must në Republikën Çeke’,” tha Wagner, duke i kërkuar ndihmë një miku. “Pas pothuajse 50 minutash, isha i rraskapitur pranë varkës sime, duke u dridhur nga lodhja.”

Pasi bëri një foto me peshkun, i cili ishte 4 cm më i gjatë se çdo peshk-must tjetër që kishte kapur më parë, Wagner e lëshoi atë.

“Është një nga më të mëdhenjtë e këtij lloji në Evropë. Ishte një peshk i bukur, pothuajse i përsosur me potencialin për t’u bërë edhe më i madh,” përfundoi peshkatari 43-vjeçar çek./Periskopi/