Plani i paqes, Zelensky dëshiron konsultime me Evropën pas bisedimeve në SHBA
5 orë më parë
2.4k
34k
SharePresidenti ukrainas, Volodymyr Zelensky bëri thirrje për një takim të ri me aleatët evropianë të martën pas bisedimeve midis një delegacioni ukrainas dhe amerikanëve në Miami. Kjo thirrje e tij vjen pasi përpjekjet diplomatike për t’i dhënë fund luftës së Rusisë në Ukrainë vazhdojnë.
“Ekziston një ndjenjë e përbashkët se pas punës së bërë nga ekipi ynë diplomatik në SHBA, tani duhet të zhvillojmë konsultime me partnerët evropianë në një rreth më të gjerë”, shkroi Zelensky në X pas një telefonate me kryeministrin norvegjez Jonas Gahr Storeh.
Delegacioni ukrainas në Florida ka punuar me negociatorët amerikanë dhe Zelensky theksoi se po bëhet përparim i shpejtë. Ai foli për negociata “konstruktive”, por nuk dha detaje. Lideri ukrainas gjithashtu falënderoi Norvegjinë për mbështetjen e saj.
Zelensky akuzoi Rusinë për sulme në vijën e frontit, krime lufte në zonat kufitare dhe sulme kundër infrastrukturës ukrainase. Rusia ka luftuar kundër Ukrainës për gati katër vjet.
Sipas Zelensky, forcat ruse përdorën pothuajse 1,300 dronë, pothuajse 1,200 bomba rrëshqitëse dhe nëntë raketa dhe raketa lundrimi kundër Ukrainës vetëm javën e kaluar./Periskopi/