PDK vazhdon serinë e videove 10-sekondëshe me AI: Tingulli i rritjes së çmimeve – keq, Albin!

Nga Xheneta Kosumi

3 orë më parë

2.4k

34k

Partia Demokratike e Kosovës ka vazhduar publikimin e një serie të veçantë videosh, përmes së cilës adreson tema të rëndësishme politike dhe ekonomike.

Përmes këtyre videove, PDK jo vetëm që shpalos arsyet pse Bedri Hamza duhet të votohet për Kryeministër të Republikës së Kosovës, por edhe kritikon Albin Kurti dhe qeverinë e tij për dështimet gjatë mandatit, përcjell Periskopi.

Veçantia e kësaj serie qëndron në vazhdimin e përdorimit të Inteligjencës Artificiale në komunikimin e fushatës, një qasje që PDK e ka shfrytëzuar edhe më herët, përfshirë edhe në krijimin e këngës së fushatës Ëe Rise Together.

Videot janë shumë të shkurtra, me kohëzgjatje prej rreth 10 sekondash, me pothuajse vetëm një pamje dhe të shoqëruara me dy fjali të qarta, duke përcjellë mesazhe direkte dhe lehtësisht të kuptueshme për qytetarët.

Videoja e katërt, e publikuar sot nga PDK, i referohet kritikës ndaj rritjes së çmimeve si pasojë e keqqeverisjes nga Qeveria Kurti.

Në video shfaqet një burrë teksa kthen një produkt si pasojë e shtrenjtimit të cmimeve, ndërsa mesazhi shoqërues thotë: “Tingulli i rritjes së çmimeve. Keq, Albin!”.

Më poshtë gjeni videon e publikuar nga PDK.

# Lajme

# Sport

# Op-ed

# Video

# Zoya

# Showbiz

# Auto&Tech

# Shëndeti