Prattipati shkon në veri të vendit, takon kryetarët e Mitrovicës veriore, Zveçanit, Zubin-Potokut e Leposaviqit

E ngarkuara me punë e Ambasadës Amerikane në Kosovë, Anu Prattipati është takuar sot me katër kryetarët e sapoemëruar të komunave veriore të Kosovës.

Prattipati takoi kryetarin e ri të të Mitrovica Veriore, Zveçanit, Zubin Potokut dhe Leposaviqit, si dhe me përfaqësuesit e shoqërisë civile serbe të Kosovës në veri të Kosovës.

Ambasada amerikane bëri të ditur se ajo nënvizoi pritjet e SHBA-së për qeverisje transparente dhe efektive, ofrim të barabartë të shërbimeve dhe rëndësinë e angazhimit me institucionet e sigurisë publike të përkushtuara për t’i shërbyer të gjitha komuniteteve.