Sfida u karakterizua nga një situatë e tensionuar me penallti, ku u akorduan gjithsej tre 11-metërsha.
Një prej tyre u anulua pas ndërhyrjes së sistemit VAR, vendim që shkaktoi pakënaqësi të madhe te skuadra e Arsenalit.
Gjyqtari Danny Makkelie akordoi penallti në fund të ndeshjes pasi David Hancko shkeli në këmbë Eberechi Ezen dhe e rrëzoi brenda zonës së rreptësisë, raporton Telegrafi, transmeton Periskopi.
Vendimi u shoqërua me protesta të forta nga lojtarët vendas, ndërsa më pas u kërkua rishikim nga dhoma e VAR-it, e cila çoi në anulimin e vendimit fillestar të arbitrit holandez.
Pas ndeshjes, te Arsenali u shprehën të revoltuar me këtë vendim, duke theksuar se kontakti mes lojtarëve ishte i qartë dhe se Eze ishte faulluar.
Për situatën reagoi edhe UEFA, e cila dha një shpjegim të shkurtër, duke deklaruar: “Lojtari i Atletico Madridit me numër 17 nuk ka kryer faull ndaj kundërshtarit”, pa dhënë sqarime të detajuara mbi procesin e vendimmarrjes, pavarësisht interesit të madh të opinionit publik./Periskopi/
20 orë më parë
2.4k
34k
Share