Zekrija Ramadani: Duhet ta vazhdojmë punën siç na ka hije, si kampion i Kosovës

Skuadra e Dritës do të ballafaqohet me Copenhagen të martën në Danimarkë, me fillim nga ora 19:00, në kuadër të raundit të dytë kualifikues të Champions League.

Trajneri i Dritës, Zekrija Ramadani u shpreh i lumtur me kalimin e raundit të parë, teksa thotë se tani do japin maksimumin në çdo ndeshjes.

“Duhet ta vazhdojmë punën siç na ka hije, si kampion i Kosovës”, tha fillimisht Zekrija Ramadani në Sports Show.

“E dimë se çfarë kundërshtari është Copenhagen, e kemi analizuar. Bëhet fjalë për skuadër që ka transferuar lojtarë me vlerë miliona euro, futbolli është interesant se jo gjithmonë fiton ekipi kualitativ, duhet të jemi të guximshëm, duhet të dyfishojmë kundërshtarët në sulm, të dalim më pak në sulm, duhet të mbrohemi më shumë”, vazhdoi ai.