Neymar bëhet gati për të nënshkruar kontratën e re

Santos është afër arritjes së një marrëveshjeje për të rinovuar kontratën e Neymar, e cila skadon më 30 qershor.

Presidenti Marcelo Teixeira pritet të takohet nesër me babanë e Neymar për një bisedë vendimtare rreth zgjatjes së kontratës.

Kushtet për një marrëveshje të re njëvjeçare janë përcaktuar dhe Santos pret një përgjigje deri të martën.

Pas takimit, babai i Neymar do t’ia paraqesë ofertën lojtarit për miratim, përcjell telegrafi.

Santos synon ta zyrtarizojë rinovimin deri të enjten, para se skuadra të rikthehet në stërvitje të premten.

Kontrata e re parashikon paga të bazuara në performancë dhe objektiva, në vend të një minimumi fiks.

Gjithashtu, klubi do të shlyejë 13 milionë eurot e mbetura në këste deri në dhjetor 2026./Periskopi/