Blero ngjall dyshime për një lidhje të re me një postim në Instagram

Këngëtari i njohur, Blero, ka bërë një postim në Instagram që ka shtuar dyshimet për një lidhje të re.

Edhe pse ai nuk ka dhënë ndonjë konfirmim të drejtpërdrejtë, një fotografi e publikuar së fundmi ka nxitur reagime në rrjet.

Në imazhin e ndarë me ndjekësit, Blero shihet duke vozitur, ndërsa në krah i qëndron dora e një vajze misterioze që I vendos dorën në krah.

Identiteti i saj mbetet i panjohur, por kjo pamje e ka bërë të qartë se këngëtari mund të jetë në një kapitull të ri personal, raporton Telegrafi, transmeton Periskopi

Kjo ka ardhur pas raportimeve, përmes së cilave Blero u përfol se ishte parë në shoqërinë e një vajze të re.

Postimi në Instagram vetëm sa e ka shtuar zhurmën përreth jetës së tij sentimentale.

Edhe pse nuk është bërë asnjë deklaratë zyrtare, fansat janë duke komentuar gjerësisht dhe spekulojnë për një lidhje të mundshme.

Mbetet për t’u parë nëse Blero do të ndajë më shumë detaje në ditët në vijim. /Periskopi