Google zbulon dizajnin zyrtar të Pixel 10 Pro para lansimit

Google ka zbuluar dizajnin zyrtar të Pixel 10 Pro përmes një klipi të shkurtër, disa ditë para lansimit të serisë Pixel 10 më 20 gusht.

Klipi tregon siluetën e numrit 10, i cili transformohet në ishullin e kamerës dhe më pas në formën e telefonit.

Pjesa e pasme e Pixel 10 Pro është zbuluar plotësisht në këtë video, duke ofruar një pamje të detajuar të dizajnit të tij.

Ndërkohë, Google nuk ka dhënë ende detaje të tjera për pajisjen, por ka njoftuar një ofertë ekskluzive për abonentët që regjistrohen deri më 19 gusht.

Seria Pixel 10 pritet të përfshijë edhe modelet Pixel 10, Pixel 10 Pro XL dhe Pixel 10 Pro Fold.

Përveç dizajnit, janë publikuar edhe disa specifika të rrjedhura për këto modele, që pritet të bëhen të disponueshme në treg pas datës së lançimit./Periskopi/