Shaqiri kritikon trajnerin, ai i kundërpërgjigjet me sportivitet

Skuadra e Baselit mbrëmë barazoi 1:1 ndaj Copenhagenit, në ndeshjen e vlefshme të play-offit të Ligës së Kampionëve.

Xherdan Shaqiri, futbollisti shqiptar pas ndeshjes thumboi trajnerin e tij, Ludovic Magnin në lidhje me mbetjen me një lojtar më pak në fushë në minutën e 82-të, pasi me të kuq (dy të verdhë) u ndëshkua Jonas Adjetey.

“E dinim që mbrojtësi e kishte një karton të verdhë tashmë, duhet të kishim reaguar më herët. Ekzistonte rreziku për një karton të dytë të verdhë. Loja ishte ashtu, gjithmonë rrezikohej kartoni. Duhet të mësosh nga kjo dhe pastaj të bësh një zëvendësim”, u shpreh Shaqiri, raporton albinfo.ch, transmeton Periskopi.

Magnin ia kthehu me shumë sportivitet: “Ju e dini se çfarë marrëdhënie kam me Shaqirin. Nuk është aspak problem. Shaqa është vetëm në fillim të karrierës së tij si trajner. Ai ka ende shumë kohë për të mësuar”.

Xherdan Shaqiri shënoi golin e vetëm për kampionët e Zvicrës në këtë ndeshje./Periskopi/