I dështoi transferimi tek Milani, reagon Boniface: Ka shumë ‘kllounë’ përreth

Sulmuesi i Bayer Leverkusen, Victor Boniface, i është përgjigjur kritikave pasi dështoi në testet mjekësore në Milano.

Lojtari nuk arriti t’i kalonte testet dhe Milani hoqi dorë nga mundësia për ta nënshkruar atë.

Të dy klubet kishin rënë dakord për një marrëveshje huazimi me vlerë 5 milionë euro, me Milanin që kishte mundësinë të blinte të drejtat e lojtarit për 24 milionë euro vitin e ardhshëm.

“Të gjithë thonë se nuk jam serioz. Unë luaj për një klub në nivelin e Bayer, një klub si Milani më dëshiron. Dhe ata ende thonë se nuk jam serioz. Rezulton se nëse do të isha serioz, do të luaja te Jupiter. Ka vetëm kllounë përreth. Nëse nuk jam serioz dhe jam në këtë nivel, le të qëndroj ashtu siç jam”, shkroi Boniface në rrjetet e tij sociale.

Në sezonin 2024/25, sulmuesi luajti 27 ndeshje në të gjitha turnetë, shënoi 11 gola dhe bëri 2 asiste.