Basha sulmon gazetarët: Të njëjtit e quajtën Rugovën tradhtar

Kryetari i Kuvendit të Kosovës, Dimal Basha, ka reaguar pas publikimit në media të një punimi të vitit 2012, ku figuron si bashkautor dhe ku përmendet Ushtria Çlirimtare e Kosovës.

Gjatë një konference për media, Basha sulmoi gazetarët duke thënë se të njëjtit gazetarë e kishin quajtur Ibrahim Rugovën “tradhtar” e madje edhe lobuan për krijimin e Listës Serbe.

“Sulmohemi me të pavërteta, shpifjet nuk kanë të ndalur, ndjej përgjegjësinë tësqaroj për akuzat e ulëta.Ne 2012 kur kam qenë student kemi dorëzuar hulumtimet për publikim. Kam bërë hulumtim për çështjen e depërtimit të islamit fundamentalist në evropën juglindore por që gjithmonë ka pas në fokus Kosovnë. Kam dërguar hulumtimin që lidhet vetëm me këtë temë dhe këtu përfundon përgjegjësia ime. Edhe tema për master gjithashtu e mbulon vetëm këtë pjesë, asnjë fjalë të vetme nuk e gjeni fjalën UÇK. Të njëjtën e thotë edhe profesoresha e cila ka dërguar email demantues në media dhe ka bërë të qartë që mbaj përgjegjësinë vetëm për atë pjesë dhe nuk kam shkruar për kapitujt tjerë. Këto akuza dhe lidhjet e mia me raportin e Dick Martyt janë shumë të ulëta, dhe rënduese për mua por edhe për qytetarët e Kosovës.

Në 2010 kam thirrje që të luftohet ky raport, ky shkrim është publikuar në Telegrafi, me autorësinë time ku bëj thirrje diplomacisë që të reagohet sa më shpejt. Unë Dimal Basha e kam të shenjtë luftën e UÇK. Deklaroj se kurrë në jetën time nuk është shkruar asnjë përmbajtje që bie ndesh me këtë vlerë. Për dy mandate kam bërë beteja të mjaftueshme në këtë vend. Portale të shumta nuk kanë ndaluar kurrë duke me ofenduar dhe përdorur burime nga gazetat e Beogradit. Nuk është sot, të njëtjti e kanë bërë të njëjtjën proganandë ndaj Gërvallës, vajzën e heroit. Të njëtit edhe Rugovën e quajtën tradhtar, dhe Kurtin e quajën njeri të Serbisë. Të njëjtin kanë lobu për krijimin e Listës Serbe. Unë nuk do të ndalem, puna ime vlerësohet për këto 6 vite. I kërkoj falje qytetarëve që janë shqetësuar nga ky raport i rremë”, deklaroi ai.