‘Varet në një fije’, zbulohet realiteti brutal i shkarkimit të Xabi Alonsos nga Real Madridi

Xabi Alonso e ka shmangur shkarkimin pas humbjes ndaj Manchester Cityt, por sipas raportimeve, ai është paralajmëruar se çdo paraqitje e dobët në javët në vijim mund t’i kushtojë vendin e punës si trajner i Real Madridit.

Humbja e së mërkurës pritej t’i jepte fund aventurës së tij të shkurtër në “Santiago Bernabeu”, por drejtuesit e klubit thuhet se u larguan të kënaqur me mënyrën si luajti ekipi dhe me mbështetjen publike që disa nga lojtarët kryesorë i dhanë trajnerit.

Tani gjithë vëmendja është te sfida e së dielës ndaj Alavesit. Çdo hap prapa mund ta rikthejë kokën e Alonsos “në trung”, por “AS” shkruan se presioni do të mbetet i njëjtë edhe nëse arrihet një rezultat pozitiv.