Rodrygo nuk e përjashton transferimin te gjiganti i Ligës Premier

Rodrygo nuk e përjashton transferimin te gjiganti i Ligës Premier

E ardhmja e Rodrygo Goes te Real Madridi mbetet e pasigurt, me sulmuesin brazilian që thuhet se ka tërhequr vëmendjen e Manchester Cityt.

Aktualisht lojtar stoli për skuadrën spanjolle, Rodrygo mund ta shohë një transferim në Ligën Premier si një mundësi për t’u trajnuar nga Pep Guardiola.

Sipas gazetarit të TNT Sports Brasil, Ricardinho Martins, stafi i sulmuesit nuk e ka përjashtuar një transferim në ‘Etihad’.

Rodrygo ka kontratë me Real Madridin deri në qershor të vitit 2028, dhe trajneri Xabi Alonso e ka bërë të qartë se vazhdon të mbështetet te 24-vjeçari, raporton Telegrafi, transmeton Periskopi.

Manchester City thuhet se po kërkon të përforcojë opsionet e tyre sulmuese, pas largimeve të fundit që përfshijnë Jack Grealish dhe Kevin de Bruyne.

Sipas Fabrizio Romano, Real Madrid mund të kërkojë rreth 100 milionë euro për sulmuesin anësor./Periskopi/

# Lajme
# Sport
# Op-ed
# Video
# Zoya
# Showbiz
# Auto&Tech
# Shëndeti