Marrëveshje në mirëbesim – kryefjala e verdiktit të Gjykatës Kushtetuese dhe skenari taktik i Kurtit

Analizë

Shkruan: Halil Matoshi

1.

Nese VV e respekton verdiktin e Gjykatës Kushtetuese siç u deklaru (që ishte nji akt reflektimi pozitiv) dhe vetë integritetin e Kuvendit si dhe veten si parti moderne – kandidatin e tretë – ka me e pasë nji propozim serioz. Por nëse ajo nuk e ka për qëllim rikthimin në rendin kushtetues, maskarada vazhdon edhe disa herë ngjim…

2.

Lëvizja Vetëvendosje me kandidimin e Donika Gërvallës ia nguli thikë mas shpine njeriut të vet në Hagë, Rexhep Selimit.

Ish ministrja e jashtme ma e pafta në Kosovën e masluftes,  kastile e ka sulmu Rexhep Selimin si “njeri i botës së krimit” (këtë e vulosi mosvotimi i saj nga Shqipe Selimi e VVsë) dhe vet e ka bâ ispatë se ka deponu dosje kundër krenave të UÇKsë në Dhomat e posaçme.

Kështu VVsë telef i plasi bomba në duer, tue ia bâ ftyrën qivit!

Njashtu Zoja Gërvalla- Schvartz âsht në konflikt të hapun me LDKnë, që kur u nxor zvarrë nga Kuvendi i LDKsë (2016);

Albin Kurti e ka ditë se ajo nuk merr votat e ish opozitës. Ai thjesht e urrenë stabilitetin dhe këtë rend kushtetues sëkëndejmi âsht çmistue me

taktizime të pshtjelluna me inatin agresiv që e shquen, i cili po msynë me e rrekny shtetin kosovar n’humnerë për projekte nacionaliste të shekullit 19.

3.

Nëse propozon të ngjashëm si Dehari, Sfeçla, Dimal Basha apo Bahtiri, kjo ka me qenë ashiqare vetidentifikimi ma i kjartë i bllokuesit, në sytë dhe mendjet e qytetarëve; kështu VV sigurt e merr ndëshkimin kapital në zgjedhjet e ardhshme!

Me këso kandidaturash me emna që Kurtit i duhen për veprime taktike – me etikë të ultë pushtetore – VV po i bishtnon krijimit të institucioneve demokratike, si levë për me e legjitimu situatën revolucionare që shpie në anarki.

4.

Nëse VV e propozon Mimoza Kusarin psh. tue qenë se partitë ish opozitare si PDK e AAK janë në konflikt të hapun me të, për shkaqe që lidhen me Ligjin për veteranët, me këtë  VV me këtë dëshmon hapun se nuk e pranon verdiktin e Gjykatës Kushtetuese, për marrëveshje në mirëbesim, tue majtë peng shtetin kosovar, me uzdajë se ngjitet dikur tek 51 deputetët e synuem!?

5.

Albin Kurti, pa qëllim të naltë p’ej burrshteti e pa strategji por me taktika t’paskrupulla e narrativë “regjimi i vjetër me serbët”, dhe shumë mllef, jo veç ndaj opozitës po ndaj demokracisë liberale, po do me i thânë “popullit të tina”, qytetarëve të Kosovës, se ka ndëshkim pse nuk ia dhanë 500K vota. Ndëshkimi e ka vulën e shëmtuemi të nji lideri me edukim stalinist: Nuk do t’u jep kosovarëve institucionet legale, por do t’i ofrojë anarkinë si disciplinim!?

6.

Sëkëndejmi, Kurti po taktizon në nji lojë nervash (tue i dhânë popullit atë që e dëshiron!?) por jo institucionet legale, ngase ai po refuzon me ushtru mandatin e fituem në zgjedhjet  e 9 shkurtit!

Kur ta kaplojë, helbete, lodhja e nervoza ish opozitën – në momentumin që e zgjedh vet Kurti – mbrrihet marrëveshja për konstituim formal të Kuvendit dhe në t’njâjtën seancë, Kuvendi të vetshpërbâhen dhe vendi shkon në zgjedhje të jashtëzakonshme!