Balje: Unë s’e votova Bashën, e barazoi Zotin me gjygym – S’është person i pastër

Deputetja nga komuniteti boshnjak, Duda Balje ka komentuar kryeparlamentarin e ri Dimal Basha, mbi qasjen e tij ofenduese ndaj UÇK-së në një artikull të publikuar.

Në pyetjen e Klan Kosovës, referuar këtij zhvillimi që nëse mund të vazhdohet me Bashën kryeparlamentar ajo u shpreh se ai mund të jetë kryetar dhe deputet por i pastër asnjëherë.

”Personalisht nuk votova për Dimal Bashën, për shumë arsye sepse e ka barazu, Zotin me gjygym. Ai mund të jetë edhe deputet edhe kryetar, por një person i pastër jo”.

Ndër tjera, Balje edhe konfirmoi se nuk ka asnjë votë për komunitetin serb.

”Unë shkova me konsultu, sepse edhe ne e kishim kandidatin tonë boshnjak, mendova që e kam të drejtën e njëjtë. Dimal Basha nëse konstituohet kuvendit, ka mundësi me jap dorëheqje dhe zëvendësja e parë, Albulena. Kjo mund të ndodhë”.

”Nuk kam votë për asnjë kandidat për komunitetin serb”.