Bie fluksi i daljeve nga Kosova, pritjet deri në 30 minuta

Pika kufitare me Serbinë në Merdarë dhe te Dheu i Bardhë ende e ngarkuara nga fluksi i bashkatdhetarëve të cilën po e përdorin për dalje nga territori i Kosovës, ndonëse fluksi i daljeve në këtë pikë kufitare ka rënë dukshëm krahasuar me javën që lamë pas.

Sipas Qendrës Kombëtare për Menaxhimin Kufitar, në pikën kufitare në Merdarë dhe te Dheu i Bardhë, për të dalë nga Kosova udhëtarët mëngjesin e sotëm po presin nga 20 deri në 30 minuta.

Po ashtu bëhet e ditur se pritje për të dalë nga Kosova, deri në 15 minuta ka edhe në pikën tjetër kufitare me Serbinë, në Jarinje dhe 10 minuta në pikën kufitare në Mutivodë.

Në pikat tjera kufitare nuk raportohet për kolona e pritje të gjata, ato janë nga 3 deri në 5 minuta.