Reagon kompania nga Kosova që importon qumështin “Aptamil”, i kontaminuar me bakterin Bacillus Cereus

Kompania “Union” ka njoftuar se formula Aptamil AR 1 është e sigurt për përdorim. Në një komunikatë për media thuhet se pas shqetësimeve nga autoritetet në Kroaci në lidhje me një seri  të caktuar  të këtij produkti, janë realizuar menjëherë analiza dhe testime shtesë sistematike.

Si rrjedhojë, njofton kompania, rezultatet e këtyre testimeve kanë konfirmuar se produktet e kësaj serie janë të sigurta dhe plotësisht në përputhje me të gjitha kërkesat rregullatore të Bashkimit Evropian.

“Megjithatë, si masë parandaluese dhe si masë e sigurisë së shtuar në bashkëpunim me Inspektoratin e Agjencisë së Ushqimit dhe Veterinarisë kemi marrë masa të largojmë produktin nga tregu”, thuhet në komunikatë.

Të martën, AUV-i ka njoftuar për tërheqjen nga tregu të një sasie të qumështit Aptamil, pasi dyshohej se në këtë produkt është identifikuar prania e bakteries Bacillus cereus./Periskopi/

Qumështi APTAMIL për foshnja i kontaminuar me bakterin Bacillus Cereus, AUV jep detaje me vonesë

AUV me njoftim zyrtar: Një sasi e qumështit “Aptamil” tërhiqet nga tregu pas pranisë së një bakterie

Temperaturë e të vjella – Ja çka shkakton bakteria që u gjet në qumështin ‘APTAMIL” për foshnje