I dërguari i Trump në Grenlandë: Do të punoj që ishulli të bëhet pjesë e SHBA-së

Donald Trump ka shkaktuar një debat të ri me Danimarkën pasi emëroi një të dërguar special në Grenlandë, ishullin e madh Arktik që ai ka thënë se do të donte ta aneksonte.

Trump njoftoi të dielën se Jeff Landry, guvernatori republikan i Luizianës, do të bëhej i dërguari special i SHBA-së në Grenlandë, një pjesë gjysmë-autonome e Mbretërisë së Danimarkës.

Guvernatori Landry tha në një postim në X, se ishte një nder të shërbeja në një “pozicion vullnetar për ta bërë Grenlandën pjesë të SHBA-së”.

Kryeministri i Grenlandës tha se ishulli duhet të “vendosë vetë të ardhmen tonë” dhe “integriteti i tij territorial duhet të respektohet”.

Ky veprim ka zemëruar Kopenhagën, i cili tha se do të thërrasë ambasadorin e SHBA-së për “një shpjegim”.

Që kur u kthye në Shtëpinë e Bardhë në janar, Trump ka ringjallur interesin e tij të hershëm për Grenlandën, duke përmendur vendndodhjen e saj strategjike dhe pasurinë minerale.