Rashica po kthehet në formë, asiston në fitoren e Beshiktashit ndaj Fenerit

Milot Rashica ka dhënë kontribut të madh të martën mbrëma në fitoren e skuadrës së Beshiktashit.

Me dy golat e shënuar nga Vaclav Cerny, Beshiktashi të martën mbrëma e mposhti Fenerbahçen në udhëtim në ndeshjen e vlefshme për Kupë të Turqisë.

Beshiktashi e fitoi derbin me rezultatin, 2:1. Ishte ndeshja e parë e Grupit C.

Vaclav Cerny i kaloi në epërsi mysafirët në minutën e 33-të.

Dhjetë minuta më pas, Marco Asensio, i barazoi shifrat. Ai ishte i saktë nga pika e bardhë.

Cerny me asistim të Rashicës në minutën e 91-të e realizoi golin e fitores, 2:1.

Rashica e kompletoi ndeshjen.

29-vjeçari këtë edicion ka një gol e tri asistime në të gjitha garat.

Golin e parë e shënoi në fundjavë kundër Rizesporit dhe me ndeshjen e sotme, ka dhënë shenja se po i kthehet formës së dikurshme.