Chappell Roan thotë se nuk i “aprovon” pikëpamjet e Brigitte Bardot pas homazhit për yllin e ndjerë

Pas publikimit të një homazhi për Brigitte Bardot në Instagram Story-n e saj, Chappell Roan ka dënuar publikisht bindjet politike të aktores së ndjerë.

Bardot ndërroi jetë të dielën, më 28 dhjetor, në moshën 91-vjeçare. Të njëjtën ditë, këngëtarja e pop-it i bëri homazh aktores franceze duke postuar një foto të saj dhe duke shkruar: “Prehu në paqe, zonja Bardot. Ajo ishte frymëzimi im për ‘Red Wine Supernova’.”

Roan e përmend ish-modelen edhe në tekstin e këngës së saj hit “Red Wine Supernova”, ku në vargun e parë këndon:

“Ajo ishte një playboy, Brigitte Bardot / Ajo më tregoi gjëra që nuk i kisha ditur më parë”.

Një ditë më vonë, të hënën më 29 dhjetor, këngëtarja u rikthye në Instagram Story për të korrigjuar homazhin e saj, pasi mësoi për bindjet politike të Bardot.

“Zot i madh, nuk i dija fare të gjitha ato gjëra të çmendura që zonja Bardot ka mbështetur. Natyrisht që nuk i aprovoj. Është shumë zhgënjyese ta mësosh këtë”, shkroi Roan.