Pesë dite zie në Zvicër pas tragjedisë me mbi 40 të vdekur – dalin edhe pamjet kur bari merr flakë

Zvicra ka shpallur pesë ditë zie kombëtare pas zjarrit shkatërrues që përfshiu një bar gjatë festimeve të Natës së Vitit të Ri në resortin alpin Crans-Montana. Tragjedia la rreth 40 persona të vdekur dhe 115 të plagosur.

Presidenti zviceran, Guy Parmelin, e quajti incidentin “një nga tragjeditë më të këqija që vendi ynë ka përjetuar”.

Sipas dëshmitarëve, zjarri shpërtheu rreth orës 01:30 të mëngjesit në barin Le Constellation, pasi dyshohet se shkëndija ose fishekzjarrë u vendosën në shishe shampanje. Dy gra thanë se një banakier po mbante një punonjëse femër që kishte në dorë një shishe të tillë. Flakët prekën tavanin dhe brenda sekondash zjarri u përhap me shpejtësi të jashtëzakonshme.

Bodrumi i lokalit, ku ndodhej një klub nate i mbushur me njerez, u përfshi menjëherë nga flakët dhe tymi. Shumë nga të pranishmit ishin adoleshentë. Njerëzit u përfshinë nga paniku dhe u përpoqën të iknin përmes shkallëve shumë të ngushta, çka shkaktoi shtyrje dhe bllokime. Disa persona dyshohet se u bllokuan dhe humbën ndjenjat për shkak të thithjes së tymit.

🚨🇨🇭🔥 Des personnes prises au piège par les flammes dans le bar de Crans-Montana tentent désespérément de s’échapper par la seule issue, qui est bloquée. (témoins) pic.twitter.com/aBQXtKRME9

— SuisseAlert (@SuisseAlert) January 1, 2026