Probleme për Barçën: Bayerni futet fuqishëm në garë për Nico Williams, i bën ofertë lojtarit më të madhe se sa ajo katalunasve

Nico Williams është kthyer në një nga emrat më të përfolur të merkatos së verës. Anësori i Athletic Club dukej se e kishte të sigurt të ardhmen me Barcelonën, transmeton Periskopi.

Megjithatë, Bayern Munich ka hyrë fuqishëm në garë në orët e fundit me klubin gjerman nuk pranon të dorëzohet përpara konkurrencës së katalanasve.

Bavarezët kanë rritur ndjeshëm ofertën e tyre. Ata i kanë propozuar lojtarit një pagë prej 12 milionë eurosh neto në vit, shumë më e lartë se ajo e Barcelonës.

Nga ana tjetër, Barça mbetet e bindur se marrëveshja verbale me Nicon do të respektohet. Në Camp Nou besojnë se lojtari dëshiron të realizojë ëndrrën e tij

Klubi katalanas është i qartë për rolin që i ka rezervuar Williamsit dhe ai shihet si një titullar i padiskutueshëm që nga dita e parë.

Tashmë topi është në fushën e lojtarit. Ai duhet të zgjedhë mes pasionit për Barcelonën dhe ofertës financiare të Bayernit.

Vendimi pritet brenda pak ditësh. Tensioni mes dy klubeve është rritur, ndërsa merkatoja hyn në fazën vendimtare.