Policia izraelite arreston palestinezin e veshur si Babadimër

Policia izraelite ka ka arrestuar një burrë palestinez të veshur si Babagjyshi i Vitit të Ri.

Një DJ dhe një shitës ambulant u arrestuan gjithashtu, dhe oficerët sekuestruan pajisje, raporton The Guardian.

Pamjet e incidentit tregojnë policinë duke i rrëzuar burrat në tokë dhe duke i prangosur para turmës.

Policia izraelite thotë se burri, i veshur si Babagjyshi i Krishtlindjeve, i rezistoi arrestimit dhe sulmoi një oficer policie.

Qendra Mossawa, një organizatë për të drejtat e njeriut që mbron të drejtat e qytetarëve palestinezë të Izraelit, akuzoi policinë për përdorim të forcës së tepërt.

Ata gjithashtu thonë se bastisja në sallën e muzikës u krye pa një urdhër ligjor.

Ndryshe, arrestimet në Haifa vijnë ndërsa palestinezët festojnë Krishtlindjet në të gjithë Bregun Perëndimor të pushtuar dhe Gazën, duke u përballur me kufizime të vazhdueshme të vendosura nga forcat izraelite.

Në Betlehem, festimet u mbajtën për herë të parë këtë vit që nga fillimi i luftës në Gaza.